Мрежа на млади и студенти со хендикеп
Ние сме мрежа на млади и студенти со хендикеп, основана 2004 година, со цел заедно да работиме на подобрување на состојбата на младите И студентите со хендикеп. Сега за сега мрежата ја сочинуваат четири организации: Здружение на студенти со хендикеп “Гаудеамус“ од Република Молдавија, Здружение на млади со хендикеп од Република Црна Гора, Здружение на студенти со хендикеп од Република Србија и Здружение на студенти и младинци со хендикеп од Република Македонија, кои паралелно - секоја во својата земја - спроведуваат активности кои водат кон подобрување на состојбата на студентите со хендикеп.
Би сакале да ја зајакнеме и прошириме Мрежата! Заинтересираните организации можат да не контактираат.
ПРОМОЦИЈА НА ИНКЛУЗИВНО ВИСОКО ОБРАЗОВАНИЕ ВО ЈУГОИСТОЧНА ЕВРОПА
Промоција на инклузивно високо образование во југоисточна Европа е проект кој успешно се спроведува ве]е 5 години. Завршени се две фази од овој проект а во моментот во тек е реализација на третата фаза.
Проектот паралелно се реализира во 4 земји и истиот го реализираат следните организации: Здружение на студенти со хендикеп “Гаудеамус “од Република Молдавија, Здружение на млади со хендикеп од Република Црна Гора, Здружение на студенти со хендикеп од Република Србија и Здружение на студенти и младинци со хендикеп од Република Македонија.
Во текот на првата фаза од Проектот, одржани се неколку состаноци на организациите од Република Молдавија, Република Србија, и Република Македонија.
Мрежата на млади и студенти со хендикеп од југоисточна Европа , официјално е заснована на состанок во Белград во периодот од 12 - 17. февруари 2004 година. На тој состанок утврдени се активностите на Мрежата, кои подоцна паралелно ]е се реализираат во сите 3 земји, членки на Мрежата.
Мрежата е проширена после првата фаза од проектот, кога и се приклучи уште една организација - Здружение на млади со хендикеп од Црна Гора.
